Infarmacyjnaje ahienctva, viadomaje jak ITAR-TASS, viarnułasia da svajoj daŭniaj, savieckaj nazvy – TASS.
Jakija pryčyny takich źmienaŭ? Ciažka skazać. Bujnoje amierykanskaje ahienctva Associated Press bačyć u hetym kroku nastalhiju pa časach SSSR. Nastalhija ŭzmacniłasia z momantu razhortvańnia kanfliktu pamiž Rasijaj i Zachadam z nahody Ukrainy. Ź inšaha boku, nahodaj dla takoha rašeńnia mahło stać toje, što nazva Infarmacyjnaje telehrafnaje ahienctva Rasii TASS (ITAR-TASS), jakaja źjaviłasia paśla raspadu SSSR, tak i nie pryžyłasia. Z 1 kastryčnika poŭnaja nazva ahienctva hučyć tak: Infarmacyjnaje ahienctva Rasii TASS – poŭnaja forma, abo TASS – karotkaja.
Pra źmienu nazvy ahienctva prainfarmavała ŭ dzień svajho 110-hodździa. U 1904-m hodzie (jašče pry Mikałaju II) Telehrafičnaje ahienctva ŭ Sankt-Pieciarburhu stała pieršym u krai orhanam raspaŭsiudžvańnia infarmacyi. Z 1925 hoda ahienctva nazyvałasia Telehrafnaje ahienctva Savieckaha Sajuza, abo TASS.
