Abjom pramysłovaj vytvorčaści ŭ Biełarusi ŭ studzieni-žniŭni hetaha hoda vyras na 0,3% u paraŭnańni z takim ža letašnim pieryjadam i skłaŭ 439,5 trłn rubloŭ u biahučych cenach, paviedamlaje pres-słužba Nacyjanalnaha statystyčnaha kamiteta. Raniej z pačatku hoda nazirałasia padzieńnie pramvytvorčaści.
Vyraśli abjomy vytvorčaści ŭ śfiery zdabyčy paliŭna-enierhietyčnych karysnych vykapniaŭ - na 52,7%; vytvorčaści koksu, naftapraduktaŭ i jadziernych materyjałaŭ - na 3,1%; chimičnaj pramysłovaści - na 19%; vytvorčaści farmaceŭtyčnaj pradukcyi - na 0,7%. Na 6,9% pavialičanyja abjomy apracoŭki draŭniny i vytvorčaści vyrabaŭ z dreva, na 0,6% - u mietałurhii, na 0,2% vyras dadzieny pakazčyk u śfiery vytvorčaści i raźmierkavańnia elektraenierhii, hazu i vady.
Adbyŭsia rost abjomaŭ vytvorčaści nastupnaj pradukcyi: aŭtamabilnaha bienzinu - na 0,7% (da 2 młn. 736,1 tys. ton); kalijnych uhnajeńniaŭ (u pieraliku na dziejučaje rečyva) - na 34,8% (4.308,9 tys. ton); dyvanoŭ i dyvanovych vyrabaŭ - na 23,4% (10.939 tys. kv. m); cemientu - na 11,6% (3.693,5 tys. ton); liftaŭ - na 6,2% (7.137).
Abjomy vytvorčaści źnizilisia ŭ śfiery zdabyčy karysnych vykapniaŭ (akramia paliŭna-enierhietyčnych) - na 3,8%; charčovaj pramysłovaści - na 2,3%; tekstylnaj i šviejnaj pramysłovaści - na 2,4%; vytvorčaści skury, skuranych vyrabaŭ i abutku - na 7,5%.
Humovych i płastmasavych vyrabaŭ vyrablena mienš - na 13,3%; mašyn i abstalavańnia - na 20,4%; transpartnych srodkaŭ i abstalavańnia - na 19,7%; elektraabstalavańnia, elektronnaha i aptyčnaha abstalavańnia - na 5,4%.
Vytvorčaść dyzielnaha paliva źniziłasia na 1,5% (da 5 młn 509,7 tys. Ton); chimičnych vałoknaŭ - na 11% (125,9 tys. ton); karjernych samazvałaŭ - na 50,3% (459); hruzavych aŭtamabilaŭ - na 33,2% (5.616); traktaroŭ - na 14,6% (37,6 tys.); zbožžaŭboračnych kambajnaŭ - na 17,5% (733); chaładzilnikaŭ i marazilnikaŭ - na 22,3% (664,4 tys.); televizaraŭ - na 59,1% (73 tys.); cukru - na 18% (267,5 tys. ton).
