Kiraŭnik samaabvieščanaj Łuhanskaj narodnaj respubliki Ihar Płatnicki miarkuje, što da zakona pra asablivy status Danbasa, tym nie mienš, jašče zastajecca šmat pytańniaŭ. Dakumient, prapanavany Parašenkam, praduhledžvaje ŭviadzieńnie asablivaha paradku samakiravańnia ŭ hetych rehijonach, praviadzieńnie vybaraŭ i amnistyju.
Ihar Płatnicki ŭskładaje vianok u Dzień horada ŭ Łuhansku 14 vieraśnia, fota lugansk-online.info
Pytańni pa zakonaprajekcie pra status Danbasa jašče zastajucca, ale źjaviŭsia pieršy šaniec na ŭrehulavańnie, paviedamiŭ RIA «Novosti» Ihar Płatnicki.
«Zakon pra asablivy status Danbasa ŭ asnoŭnym adpaviadaje našym pierahavornym pazicyjam, ahučanym 1 vieraśnia. Tamu, choć jašče šmat niajasnaha, možna skazać, što ŭ mirnaha ŭrehulavańnia źjaviŭsia pieršy šaniec», — skazaŭ Płatnicki.
Pradstaŭniki Danieckaj i Łuhanskaj narodnych respublik raniej apublikavali pieramoŭnuju pazicyju dźviuch respublik. «Premjer» Danieckaj narodnaj respubliki Alaksandr Zacharčanka ŭdakładniaŭ, što samaabvieščanyja Danieckaja i Łuhanskaja narodnyja respubliki damahajucca nie asablivaha statusu rehijonaŭ, a patrabujuć ad Kijeva raŭnapraŭja.
Zakonaprajekt pastupiŭ na razhlad parłamienta Ukrainy ŭ paniadziełak. Dakumient, u pryvatnaści, praduhledžvaje ŭviadzieńnie na try hady asablivaha paradku samakiravańnia ŭ hetych rehijonach, praviadzieńnie miascovych vybaraŭ i amnistyju.