U polskim horadzie Płońsku (Mazavieckaje vajavodstva) adkryłasia zboračnaja vytvorčaść hruzavych aŭtamabilaŭ z mašynakamplektaŭ vytvorčaści AAT «MAZ». Partnioram vystupiła polskaja kampanija «Hłaspa-motars».
Jak paviedamlaje pasolstva Biełarusi ŭ Polščy, cyrymonija adkryćcia vytvorčaści adbyłasia 12 vieraśnia, kali z kanviejera syšoŭ pieršy hruzavik, pryznačany dla polskaha rynku. Ź biełaruskaha boku ŭ cyrymonii ŭdzielničali pasoł u Polščy Alaksandr Aviarjanaŭ, hienieralny dyrektar AAT «MAZ» Viktar Asnoŭski, z polskaha — dyrektar kampanii «Hłaspa-motars» Piotr Opas.
Na pradpryjemstvie płanujuć źbirać da 500 adzinak hruzavoj i pasažyrskaj techniki ŭ hod. Akramia taho, u płanach supracoŭnictva ŭ halinie pastaŭki kamplektujučych i zapasnych častak, pavieličeńnie doli łakalizacyi ŭ pracesie zborki techniki na terytoryi Polščy i Jeŭrapiejskaha sajuza.
