Premjer-ministr Ukrainy Arsień Jacaniuk ličyć, što kraina moža pieražyć zimovy pieryjad biez pastavak rasijskaha hazu.
Pra heta jon zajaviŭ u chodzie kanfierencyi YES, jakaja prachodzić u Kijevie.
Jacaniuk nahadaŭ, što Ukraina znachodzicca ŭ zvyšskładanych umovach u suviazi ź pierakryćciom Rasijaj pastavak hazu i paškodžańniem infrastruktury šacht Danbasa, što nie daje mahčymaści elektrastancyjam atrymlivać vuhal.
Razam z tym, pavodle słoŭ premjera, Ukraina zmoža pieražyć zimu dziakujučy reviersnym pastaŭkam ź Jeŭropy.
«U našych padziemnych schoviščach znachodzicca da 17 miljardaŭ kubamietraŭ pryrodnaha hazu. Hetaha niedastatkova, kab pieražyć zimu, ale dastatkova, kab nie zamierznuć», — adznačyŭ jon.
Pa słovach Jacaniuka, z 25 młrd kubamietraŭ hazu, jakija Ukraina zakuplała ŭ RF, 15 młrd jana atrymlivaje ad Jeŭrapiejskaha sajuza.
«Nam nieabchodna jašče 5 młrd, kab «prajści» zimu. Zaraz u mianie niama stoadsotkavaha adkazu na pytańnie, ci hatovyja my kupić ich. Ale kali my budziem vykarystoŭvać usie mahutnaści ES, to choć i ŭ składanych umovach, ale zmožam pieražyć zimu», — dadaŭ premjer.
«My impartujem vuhal ź inšych krain, u tym liku z Paŭdniova-Afrykanskaj respubliki, upieršyniu za 20 hadoŭ. I kali nam udasca adnavić pravaparadak na terytoryjach, jakija da hetaha času kantralujucca terarystami i rasiejcami, to my adnovim pastaŭki vuhalu z hetych rehijonaŭ na ŭkrainskija elektrastancyi», — dadaŭ jon.