U vieraśni 2014 hoda pry prychodzie ŭ pamiać śviaciciela Mikałaja, jepiskapa i aśvietnika Japonii, praciahnie svaju dziejnaść Škoła praktyčnaj hienieałohii (ŠPH), stvoranaja ŭ metach aśviety prychadžan chrama i ŭsich achvočych u pytańniach praktyčnaha pošuku infarmacyi ab prodkach, duchoŭnaha samapaznańnia, vychavańnia dziaciej na prykładach z rodavaj historyi.
Zaniatki buduć uklučać u siabie nie tolki navukovuju teoryju, ale i asabisty dośvied u składańni i asensavańni svajho radavodu, papularyzacyju histaryčnaj dakumientalnaj spadčyny i nabytkaŭ ajčynnaj histaryjahrafii, znajomstva ź viadomymi śpiecyjalistami ŭ dadzienaj śfiery.
Hetaja vučebnaja inicyjatyva praduhledžana dla darosłych (z 18 hadoŭ i starejšych). Zapis u Škołu ažyćciaŭlaŭsia ciaham žniŭnia, ale dla tych, chto spaźniŭsia ci daznaŭsia pra Škołu paźniej, kančatkovy termin – da 26 kastryčnika 2014 hoda.
Kiraŭnik Škoły – Urubleŭski Vadzim Valerjevič, supracoŭnik Nacyjanalnaha histaryčnaha archiva Biełarusi (h. Minsk), namieśnik staršyni hienieałahičnaha abjadnańnia «Radavod» histaryčnaha fakulteta BDU.
Miesca raźmiaščeńnia chrama: h. Minsk, vuł. Lidskaja, (nasuprać d. 12), prajezd – try prypynki ŭ bok Ždanovickaha rynku ad stancyi mietro «Kamiennaja Horka» (prypynak «Dambroŭka», aŭtobusy № 54, 125, 140).
Terminy praviadzieńnia kursu: dva razy na miesiac (z 14 vieraśnia 2014 h. pa 3 traŭnia 2015 h.). Čas praviadzieńnia: 12.00–13.00 (paśla niadzielnaj Božaj liturhii). Zaniatki pravodziacca na biełaruskaj i rasiejskaj movach (pa žadańni słuchačoŭ).
Usim achvočym prasłuchać kurs rekamiendujecca ŭ zajavie na imia protaijereja Paŭła Sierdziuka, nastajaciela prychodu ŭ pamiać śviaciciela Mikałaja Japonskaha, paznačyć nastupnyja źviestki pra siabie:
1) Proźvišča, Imia, Imia pa baćku.
2) Data i miesca naradžeńnia.
3) Rod zaniatkaŭ.
4) Miesca žycharstva, kantaktnyja telefony, adras elektronnaj pošty.
5) Hienieałahičnyja źviestki pra baćkoŭ, babulaŭ i dziadulaŭ (proźviščy, imiony, imiony pa baćku, daty žyćcia, miescy naradžeńnia i žycharstva, vieravyznańnie, sasłoŭnaje pachodžańnie, siamiejna-rodnasnyja suviazi).
Dadzienaja infarmacyja nieabchodnaja z metaj akazańnia kampietentnaj dapamohi ŭ praviadzieńni samastojnych histaryčnych i hienieałahičnych daśledavańniaŭ.
Zajavy ŭ rukapisnym abo drukavanym varyjantach možna pieradać asabista ŭ ruki albo dasłać na elektronnuju poštu vykładčyku Vadzimu Valerjeviču Urubleŭskamu ([email protected]).
Prykładnyja najmieńni temaŭ i daty praviadzieńnia zaniatkaŭ dla pastupoŭcaŭ na pieršy hod navučańnia (pieršaje paŭhodździe):
- Duchoŭnyja i dušeŭnyja karani hienieałahičnaha pošuku (14 vieraśnia 2014).
- Pieršyja kroki hienieałahičnaha pošuku: vusnaja infarmacyja, siamiejny archiŭ, nadpisy nadmahilnych pomnikaŭ, internet-resursy (28 vieraśnia 2014).
- Pachodžańnie i farmavańnie proźviščaŭ žycharoŭ Biełarusi, terminy siamiejna-rodnasnych suviaziaŭ, niekatoryja aśpiekty z historyi tradycyjnaj siamji ŭ Biełarusi (12 kastryčnika 2014).
- Asablivaści funkcyjanavańnia dziaržaŭnych archivaŭ: kantakty, sajty, śpiecyfika pracy, błanki zajavaŭ na pošuk, apłata pasłuh (26 kastryčnika 2014).
- Asablivaści samastojnaj pracy ŭ dziaržaŭnych archivach: błanki zajavaŭ na pracu, apłata, płan i śpiecyfika pracy (9 listapada 2014).
- Hienieałahičnaja rabota z forumami historyka-hienieałahičnych i historyka-hieraldyčnych sajtaŭ, sacyjalnymi sietkami interneta (23 listapada 2014)
- Praviły i pryjomy ŭ afarmleńni hienieałahičnaj infarmacyi (asablivaści składańnia hienieałahičnych schiemaŭ i rośpisaŭ, pracy hienieałahičnych prahram) (7 śniežnia 2014).
- Biblijahrafija hienieałohii Biełarusi: ahlad najbolš cikavych knižnych vydańniaŭ (21 śniežnia 2014).