Siońnia ŭ Minsku pačaŭsia I adkryty čempijanat Biełarusi pa pavietrapłavańni.
Padzieja arhanizavanaja Biełaruskaj fiederacyjaj avijacyjnaha sportu razam z kampanijami «A-100» i «Aeratur-bałuns».
Čempijanat sabraŭ 22 ekipažy ź Biełarusi, Ukrainy, Rasii, Litvy, Francyi.
Pieršy start adbyŭsia siońnia ŭviečary ŭ parku Kurasoŭščyna. Udzielniki buduć vykonvać roznyja zadańni, naprykład, maksimalna dakładna paŭtaryć trajektoryju viadučaha šara ci schapić markier, umacavany na peŭnaj vyšyni.
I adkryty čempijanat Biełarusi pa pavietrapłavańni praciahniecca 2 dni i skončycca ŭ niadzielu 14 vieraśnia. Pry lotnym nadvorji starty buduć adbyvacca z parka Kurasoŭščyna a 7-j uranku i a 18-j viečara.
Dzieci vystrailisia ŭ čarhu, kab pasiadzieć u viertalocie.
Bryfinh dla piłotaŭ. Pavietrapłavalnikam dazvolili lotać nad Minskam, ale vyšyniu abmiežavali da 1000 mietraŭ praź blizkaje znachodžańnie dvuch aeraportaŭ.
Aficyjnaja karta čempijanata. Zabaronienyja zony abviedzienyja čyrvonym markieram. Spartoŭcam nielha lotać nad centram horada, Drazdami, vioskaj Navasiołki la Astrašyckaha Haradka i zonaj na ŭschodzie ad Hatava.
Udzielnica čempijanata na bryfinhu.
Achvotnych katali na viertalocie kampanii «A-100». 7-chvilinny palot nad Minskam budzie kaštavać kožnamu pasažyru 300 tysiačaŭ rubloŭ.
Udzielnik ciahnie miech z abałonkaj pavietranaha šara.
Ekipaž umacoŭvaje harełku na koš.
Zapalenaja harełka.
Spačatku abałonku šara raspraŭlajuć z dapamohaj mahutnaha vientylatara.
Udzielnica čempijanatu z bałonam zvadkavanaha hazu.
Abałonku pačynajuć napaŭniać haračym pavietram.
Člen ukrainskaha ekipažu ŭtrymlivaje šar, pakul jaho rychtujuć da palotu.
Padrychtoŭka abałonki.
Milicyjanty ź cikaŭnaściu nazirajuć za šaram ź vializarnaj vyjavaj Če Hievary.
Startujuć pieršyja ekipažy.
Adryŭ!
Šary pralatajuć nad harnałyžnym kompleksam «Soniečnaja dalina».
Viecier paciahnuŭ šary na zachad.