Kamisija pa rasśledavańni avaryi rejsa MH17 małajzijskich avijalinij zasiarodziłasia na viersii, što samalot byŭ źbity rakietaj «ziamla-pavietra».
Pra heta paviedamlaje ahienctva Reuters sa spasyłkaj na pradstaŭnika hałandskaj prakuratury Freda Viesterbiekie, jaki ŭznačalvaje mižnarodnuju kamandu pa rasśledavańni trahiedyi.
«Rasśledavańnie zasiarodziłasia na viersii, što samalot byŭ źbity rakietaj «ziamla-pavietra», — skazana ŭ paviedamleńni ahienctva.
Akramia taho, ekśpierty vyjavili 25 abłomkaŭ mietału ŭ ciełach zahinułych i ŭ bahažy, jakija mohuć dapamahčy vyznačyć typ rakiety, jakaja źbiła samalot.
Raniej hałandskaja kamisija pa biaśpiecy palotaŭ u svajoj papiaredniaj spravazdačy zajaviła, što samalot upaŭ z-za paražeńnia vialikaj kolkaściu nievialikich «vysokaenierhietyčnych» abjektaŭ źnizu.
