Suviazi z hramadzkim aktyvistam Paŭłam Vinahradavym niama ŭžo šeść hadzin. Pra heta paviedamiła Radyjo Svaboda žonka Paŭła Vinahradava Śviatłana.
«Pavał pajšoŭ u Maskoŭski RUUS da 11-j hadziny adznačacca zhodna z umovami preventyŭnaha nahladu. I z hetaha momantu suviazi ź im niama. Ja była ŭ RUUS. Tam mnie skazali, što Paŭła ŭ ich niama», — raspaviała Śviatłana.
Ciapier Śviatłana čakaje, što daviedajecca pra los Paŭła ŭ sudzie Maskoŭskaha rajonu.
10 vieraśnia ŭ kvateru da aktyvista moładzievaj inicyjatyvy «Źmiena» Paŭła Vinahradava pryjšli čatyry supracoŭniki milicyi.
«U mianie ŭ chacie milicyja. Pakul što ja nie razumieju, što adbyvajecca», — skazaŭ Vinahradaŭ karespandentu Svabody praz telefon.
Były palitviazień Pavał Vinahradaŭ — rekardsmen pa advolnych zatrymańniach. U sakaviku jon byŭ asudžany na 25 sutak aryštu i trymaŭ haładoŭku.
U žniŭni Vinahradava aryštavali na 10 sutak. Jon apavioŭ, što heta jaho 16-ja administracyjnaja sprava, i z hetaha liku 9 byli pa abvinavačańni ŭ łajancy.
