Delehacyja fiederalnaha ministerstva pa pytańniach Jeŭropy, intehracyi i mižnarodnych spraŭ Aŭstryi na čale z kiraŭnikom palityčnaj siekcyi, namieśnikam ministra Janam Kikiertam 15—16 vieraśnia naviedaje Biełaruś.
Ab hetym paviedamiŭ pres-sakratar MZS Biełarusi Dźmitryj Mirončyk 11 vieraśnia na bryfinhu ŭ Minsku.
U ramkach vizitu zapłanavany kansultacyi pamiž źniešniepalityčnymi viedamstvami Biełarusi i Aŭstryi. Biełaruskuju delehacyju na pieramovach uznačalić namieśnik ministra zamiežnych spraŭ Alena Kupčyna.
«Udzielniki kansultacyj abmiarkujuć šyroki śpiektr pytańniaŭ dvuchbakovych adnosin u palityčnaj, handlova-ekanamičnaj, humanitarnaj i inšych śfierach. Akramia taho, płanujecca nadać značnuju ŭvahu dyjałohu pa linii Minsk — Brusiel, a taksama pytańniam rehijanalnaj i mižnarodnaj biaśpieki», — skazaŭ Mirončyk.
