Rada Jeŭrasajuza zaćvierdziła ŭviadzieńnie novych sankcyj suprać Rasii. Pra heta zajaviŭ u paniadziełak, 8 vieraśnia, staršynia Jeŭrapiejskaj rady Chierman Van Rampiej.
Sankcyi ŭstupiać u siłu ŭ bližejšyja niekalki dzion, heta pakinie čas dla acenki realizacyi pieramirja va Ukrainie, padkreśliŭ staršynia ES.
Sankcyi pavinny byli pryniać da 16:00. Raniej 28 pastajannych pradstaŭnikoŭ krain ES dasiahnuli adpaviednaj damoŭlenaści. Adnak, jak paviedamiła Agence France-Press sa spasyłkaj na krynicu, «nie ŭsie dziaržavy pryjšli da pahadnieńnia (pa sankcyjach)». Jakaja mienavita kraina vystupiła ź piarečańniami, nie ŭdakładniali.
Žurnalist Financial Times Piter Špihiel napisaŭ u tvitary, što pryniaćcie abmiežavańniaŭ zatrymała Finlandyja.
Jana «zapiarečyła suprać pryniaćcia sankcyj ES u dačynieńni da Rasii nie pa sutnaści, chutčej dla ŭdakładnieńnia, što jany (sankcyi) mohuć być adkładzienyja, kali pieramirje (va Ukrainie) praciahniecca», — rastłumačyŭ žurnalist.
