U hetym navučalnym hodzie ŭ Biełarusi budzie stvorana kala 40 centraŭ robatatechniki dla školnikaŭ, paviedamiŭ na pres-kanfierencyi 8 vieraśnia ŭ Minsku dyrektar Respublikanskaha centra inavacyjnaj i techničnaj tvorčaści Siarhiej Sačko.
Pavodle jaho słoŭ, centry buduć stvaracca va ŭsich abłaściach krainy jak častka sistemy dadatkovaj adukacyi školnikaŭ. Ciapier na bazie minskich škoł i himnazij pracuje piać kabinietaŭ robatatechniki. Jak adznačyŭ Sačko, centry robatatechniki stvarajucca dla papularyzacyi inžyniernych prafiesij siarod školnikaŭ i dałučeńnia dziaciej i moładzi da śfiery vyvučeńnia vysokich technałohij.
«Siońnia ŭ krainie vialikaja kolkaść ustanoŭ adukacyi, VNU ŭ tym liku, rychtujuć pa hetym profili, ale papiaredniaha aryjentavańnia padrastajučaha pakaleńnia, mienavita školnikaŭ, niama. My spadziajemsia papoŭnić taki prabieł praz prahramy dadatkovaj adukacyi», — skazaŭ dyrektar Respublikanskaha centra inavacyjnaj i techničnaj tvorčaści.
Pavodle słoŭ Sačko, na pačatkovym etapie navučańnie budzie pravodzicca z vykarystańniem kanstruktaraŭ Lego i elektronnych płataŭ Arduino. «Dzieci zmohuć kanstrujavać, madulavać virtualna i madulavać u naturalnych vieličyniach — z dapamohaj Lego-kanstruktaraŭ, a taksama nadalej prahramavać svaje raspracoŭki na tyja ci inšyja ruchi, kirunki», — adznačyŭ jon.
