U Šarkaŭščynskim rajonie Viciebskaj vobłaści znajšli trup hrybnika, paviedamili ŭ Viciebskim abłasnym upraŭleńni MNS.
U centr apieratyŭnaha kiravańnia Šarkaŭščynskaha rajonnaha adździaleńnia pa NS 5 vieraśnia ŭ 10.20 pastupiła paviedamleńnie ad dziažurnaha RAUS, što ŭ lasnym masivie kala vioski Dzikieva 4 vieraśnia pajšoŭ u les pa hryby i zabłudziŭsia mužčyna 1935 hoda naradžeńnia. Byli arhanizavany pošuki, jakija ŭ 19.30 5 vieraśnia byli spynienyja. 6 vieraśnia pošuki taksama nie dali vynikaŭ, a 7 vieraśnia byŭ znojdzieny trup mužčyny. Pa hetym fakcie pravodzicca pravierka.
Usiaho za vychadnyja dni ŭ lasach Viciebskaj vobłaści zabłudziłasia dzieviać čałaviek.
0
0
0
0
0
0