Italija pradaść Ukrainie 90 broniemašyn Iveco.
Ab hetym skazaŭ premjer-ministr Italii Matea Renca na samicie NATA va Uelsie, paviedamlaje italjanskaje vydańnie La Stampa.
Kiraŭnik italjanskaha ŭrada asudziŭ Rasiju za ŭvarvańnie va Ukrainu, zaklikaŭ usich členaŭ NATA rašuča padtrymać Kijeŭ i ŭvieści novyja žorstkija sankcyi suprać Kramla, udaryŭšy pa vajennaj pramysłovaści Rasii i finansavaj śfiery.
Akramia taho, pa słovach Renca, Zachad musić spynić pradavać Maskvie tavary padvojnaha pryznačeńnia, jakija mohuć być vykarystanyja ŭ vajennaj śfiery.
Premjer zaklikaŭ NATA dapamahčy Kijevu znajści palityčnaje rašeńnie kanfliktu na Danbasie, ale nie rabicca jašče adnym bokam kanfliktu.
Taksama jon paabiacaŭ finansavuju padtrymku Ukrainie ad Italii.
Jak viadoma, na samicie NATA Piotr Parašenka damoviŭsia ź siabrami NATA ab pastaŭkach vysokadakładnaj zbroi dla Ukrainy.
