Žanr: drama, mieładrama
Režysior: Džoš Bun
U rolach: Šejlen Vudli, Ensieł Ełhart, Nat Vułf, Łora Dern, Sem Tremieł, Uilem Defo.
ZŠA, 125 chv.
Chejzieł chvoraja na rak. Niahledziačy na toje, što chvaroba časova adstupiła, dziaŭčyna nie adčuvaje radaści.
Jana chodzić u hrupu padtrymki, dzie adnojčy znajomicca z Ahastusam Uotersam. Maładziony adčuli ŭzajemnuju simpatyju imhnienna, da taho ž abodva zachaplajucca adnoj i toj ža knihaj. Ahastus dapamahaje Chejzieł źviazacca z aŭtaram, i ciapier jana maryć pra padarožža ŭ Amsterdam.
Aŭtar adnajmiennaj knihi, amierykaniec Džon Hryn praciahły čas padtrymlivaŭ suviaź z sapraŭdnaj dziaŭčynaj, chvoraj na rak, jakaja pamierła ŭ 16 hadoŭ.
Kniha pra chvorych padletkaŭ, napisanaja ŭ 2012, za karotki čas stała biestseleram. Jana napisana davoli prostaj movaj i ŭjaŭlaje saboj praktyčna hatovy scenar, tamu, vidać, i ekranizavanaja amal dasłoŭna.
Tvor na takuju ciažnuju temu amal pazbaŭleny santymientaŭ, i Chejzieł paŭstaje čałaviekam spakojnym i mocnym, jaki źmiryŭsia ź niepaźbiežnaściu śmierci i dumaje tolki pra svaich blizkich. Akramia taho, tvor ŭjaŭlaje saboj jašče i pryhožuju historyju kachańnia na źlocie žyćciaŭ maładych ludziej.
