U apošni čas u Biełarusi pačaścilisia darožnyja zdareńni ź ciažkimi nastupstvami, udzielnikami jakich źjaŭlajucca hramadzianie inšych dziaržaŭ — jak praviła, rasiejcy, paviedamlaje ŭpraŭleńnie DAI MUS.

Za siem miesiacaŭ hoda ŭ 75 DTZ pa vinie kiroŭcaŭ tranzitnych transpartnych srodkaŭ zahinuli 11 čałaviek, 94 atrymali ranieńni. U piaci vypadkach DTZ učynieny pa vinie zamiežnych hramadzian u stanie apjanieńnia.

«Asnoŭnaja pryčyna takich zdareńniaŭ — nievykanańnie kiroŭcami režymu pracy i adpačynku. Źjezdy ŭ prydarožnyja kiuviety, pierakulvańni, spadarožnyja sutyknieńni, vyjezdy na pałasu sustrečnaha ruchu, jak praviła, adbyvajucca z-za kiroŭcaŭ, jakija zasnuli. U imknieńni chutčej pieraadoleć vialikija pramiežki maršrutu zabyvajecca asnova ŭsiaho darožnaha ruchu — biaśpieka», — havorycca ŭ paviedamleńni UDAI MUS.

3 vieraśnia kala 19.20 56-hadovy mužčyna (hramadzianin Polščy), kirujučy hruzavym aŭtamabilem «DAF» z paŭpryčepam, na 135-m kiłamietry aŭtadarohi Minsk — Viciebsk u Lepielskim rajonie ŭ vyniku razhiermietyzacyi levaha piaredniaha koła nie spraviŭsia z kiravańniem, vyjechaŭ na pałasu sustrečnaha ruchu, dzie sutyknuŭsia z sustrečnaj «Tajotaj-Kamry», jakoj kiravaŭ mužčyna 1973 hoda naradžeńnia (hramadzianin RF). U vyniku DTZ kiroŭca lehkavoj aŭtamašyny ad atrymanych traŭm pamior pry dastaŭcy ŭ miedycynskuju ŭstanovu.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?