Asartymient biełaruskich mahazinaŭ u I paŭhodździ 2014 hoda papoŭnili 55 najmieńniaŭ impartazamiaščalnych tavaraŭ ajčynnaj vytvorčaści. Ab hetym paviedamiła siońnia žurnalistam načalnik upraŭleńnia spažyvieckaha rynku charčovych tavaraŭ Ministerstva handlu Śviatłana Ślińko.
Siarod 55 novych tavaraŭ ajčynnaj vytvorčaści, pastupiŭšych užo na ŭnutrany rynak ŭ biahučym hodzie, pradukcyja, jakaja raniej nie vyrablałasia ŭ Biełarusi, naprykład, miakkaja karamiel, biskvitnaje piačeńnie, źmiennyja kartrydžy da zbanoŭ dla filtracyi vady, łaminiravanaje pakryćcio dla padłohi.
«Ministerstva handlu sumiesna z halinovymi ministerstvami praanalizavała kanjunkturu ŭnutranaha spažyvieckaha rynku, impartu i isnujučaha ŭzroŭniu prodažaŭ, i na 2014 hod pradpryjemstvam było prapanavana dla asvajeńnia 360 pazicyj impartazamiaščalnych tavaraŭ (25 charčovych i 335 — niecharčovych). Pramysłovaść pryniała dla asvajeńnia 63 pazicyi», — raskazała Śviatłana Ślińko.
Usiaho za 2009-2013 hady biełaruskija vytvorcy asvoili vypusk kala 280 novych pazicyj spažyvieckich tavaraŭ. Siarod navinak apošnich piaci hadoŭ — hipaalerhiennyja dziciačyja suchija sumiesi, chaładzilniki ź sistemaj No Frost (biez utvareńnia inieju ŭ kamierach), pralnyja mašyny z pavialičanaj maksimalnaj zahruzkaj bializny da 7 kh, LCD-televizary sa śviatłodyjodnaj padśvietkaj, multyvarki, novyja kalekcyi adzieńnia i abutku, padhuzki dla dziaciej.
«Tema impartazamiaščeńnia jak była, tak i zastajecca aktualnaj, pakolki rynak dynamična raźvivajecca. Biez vypusku kankurentazdolnaj pradukcyi abyścisia niemahčyma, tamu što heta ekanamičnaja biaśpieka luboj dziaržavy. Samaja hałoŭnaja zadača — heta zabieśpiačeńnie ŭnutranaha rynku za košt tavaraŭ ajčynnaj vytvorčaści», — padkreśliła Śviatłana Ślińko.
