U Hrodnie minułaj nočču zatrymany małady čałaviek, jaki ŭčyniŭ DTZ na čužoj mašynie, znachodziačysia pry hetym u stanie ap`ianieńnia.
Jak paviedamlaje ŭpraŭleńnie DAI UUS Hrodzienskaha abłvykankama, da poźniaha viečara junak vypivaŭ ź siabrami, paśla čaho paprasiŭ advieźci jaho ŭ načny kłub. Try litry piva vypiŭ na dyskatecy i na taksi pryjechaŭ dadomu. Tam byli klučy ad aŭtamabila «Reno», jaki jamu pakinuli dla ramontu.
Skarystaŭšysia čužoj mašynaj, małady čałaviek viarnuŭsia ŭ kłub, dzie jaho zatrymali naviedvalniki, jakija ŭbačyli niaŭpeŭnienuju pachodku kiroŭcy. Chłopiec abapiorsia ab kapot «Reno», jaki pakaciŭsia nazad i farkopam pahnuŭ piaredni bampier «Aŭdzi».
Supracoŭniki Dziaržaŭtainśpiekcyi, prybyŭšy na miesca DTP, ustanavili ŭ maładoha čałavieka amal siamirazovaje pieravyšeńnie normy ŭtrymańnia ałkaholu ŭ arhaniźmie. Roŭna hod tamu jaho ŭžo zatrymlivali p`ianym. Chłopiec nie maje prava kiravańnia aŭtatranspartam i hod tamu abyšoŭsia štrafam. Na hety raz jaho čakaje pryciahnieńnie da kryminalnaj adkaznaści, i budzie vyrašacca pytańnie ab kanfiskacyi aŭtamabila.
