Pra toje, što ŭ Minsku moža źjavicca muziejny kvartał, zahavaryli ŭ 2010 hodzie.
Kancepcyja jaho stvareńnia była adobrana kiraŭnictvam krainy. Adziny muziejny kompleks pavinien abjadnać niekalki budynkaŭ Nacyjanalnaha mastackaha muzieja Respubliki Biełaruś: vuł.Kirava, 25, Lenina, 20, Lenina, 22 i K.Marksa, 24 (u niadaŭnim minułym — internat BDU).
«Jany buduć abjadnany adzinaj architekturnaj stylistykaj i adzinaj muziejnaj kancepcyjaj, — adznačyŭ namieśnik ministra kultury Biełarusi Alaksandr Jacko. — Rekanstrukcyja budynkaŭ Kirava, 25 i K.Marksa, 24 pačniecca ŭžo ŭ žniŭni hetaha hoda. Napieradzie vialiki front rabot pa demantažy budaŭničych kanstrukcyj, jakija vyčarpali svaje resursy, pierakładcy inžyniernych sietak. Tyja muziejnyja fondy i słužby, jakija raźmiaščalisia ŭ korpusie na vulicy Kirava, užo pierajechali ŭ inšyja pamiaškańni.
Budynki, jakija ŭtvarajuć muziejny kvartał, buduć źviazanyja pierachodami-halerejami. Dziakujučy stvareńniu adzinaha kompleksu, značna pašyrycca vystavačnaja płošča Nacyjanalnaha mastackaha muzieja. Taksama płanujecca ŭładkavańnie depazitaryja i restaŭracyjnych majsterniaŭ, jakija b adkazvali sučasnym patrabavańniam».
Pa słovach hienieralnaha dyrektara Nacyjanalnaha mastackaha muzieja Uładzimira Prakapcova, rekanstrukcyja budynkaŭ pa adrasie vuł. Kirava, 25 i K.Marksa, 24 nie adabjecca na pracy hałoŭnaha korpusa muzieja (vuł.Lenina, 20), dzie raźmieščany vystavačnyja zały.
Nacyjanalny mastacki muziej pracuje ŭ raniejšym režymie, adkryty dla naviedvalnikaŭ z 11.00 da 19.00. Vychadny — aŭtorak.
