«My zaniepakojenyja eskałacyjaj kanfliktu na poŭdni Izraila i vakoł siektara Haza. U suviazi z masavanymi rakietnymi abstrełami izrailskaj terytoryi Ministerstva zamiežnych spraŭ rekamienduje biełaruskim hramadzianam ustrymacca ad naviedvańnia hetaj krainy da stabilizacyi stanovišča»,
— havorycca ŭ raźmieščanym na sajcie MZS Biełarusi adkazie načalnika ŭpraŭleńnia infarmacyi — pres-sakratara MZS Dźmitryja Mirončyka na pytańni pradstaŭnikoŭ ŚMI ŭ suviazi z najaŭnaj situacyjaj.
Pavodle słoŭ Mirončyka, najbolš surjoznuju pahrozu dla biaśpieki hramadzian ujaŭlajuć paŭdniovyja harady (Sderot, Aškiełon, Ašdod, Bieer-Ševa, Kirjat-Hat, Nietyvot, Afakim) i centralnyja rajony Izraila.
«Respublika Biełaruś asudžaje lubyja formy teroru i nasilla, što ciahnuć za saboj achviary siarod mirnaha nasielnictva. My spadziajemsia, što baki kanfliktu spyniać supraćstajańnie i adnoviać dyjałoh», — zajaviŭ Mirončyk.
