Biełaruś 1» pakaža televiersiju vialikaha hała-kancerta śviata «Kupalle» («Aleksandryja źbiraje siabroŭ»).
Hała-kancert stanie adnym z samych jarkich momantaŭ užo tradycyjnaha lipieńskaha śviata. U im prymuć udzieł majstry mastactvaŭ Biełarusi, Rasii i Ukrainy. U kancercie vystupiać Nadzieja Babkina i ansambl «Ruskaja pieśnia», hrupa «Ivanuški International», artysty rasijskaha centra imia Hienadzia Zavałokina «Ihraj, harmonik», pieramožca teleprajekta «Hołas» Siarhiej Vałčkoŭ, udzielnica «Jeŭrabačańnia-2009» Nastaśsia Prychodźka. Taksama na scenu vyjduć ansambl «Pieśniary», narodny artyst Biełarusi Mikałaj Skorykaŭ, zasłužanyja artysty Biełarusi Ina Afanaśjeva i Iryna Darafiejeva, estradnyja vykanaŭcy Iskui Abalan, Viktoryja Aleška, Saša Niema, Hiunieš, ansambl tanca «Charoški» i inš. Televiersiju kancerta hledačy zmohuć pahladzieć pa «Biełaruś 1» 6 lipienia ŭ 22.15.
Śviata «Kupalle» («Aleksandryja źbiraje siabroŭ») projdzie 5-6 lipienia pad devizam «Dniepr - raka družby».
Udzielnikaŭ i haściej forumu čakajuć teatralizavanaja prahrama-prezientacyja, tematyčny kancert lepšych udzielnikaŭ prajekta «Žyvicie ŭ radaści», vystupleńni salistaŭ Mahiloŭskaj abłasnoj fiłarmonii, śviatočnaja kancertnaja prahrama «Aleksandryja hascinna vitaje siabroŭ!», maładziožnaja dyskateka. Akramia taho, budzie pracavać vystaŭka-kirmaš vyrabaŭ narodnych majstroŭ «Vialiki Aleksandryjski kirmaš», na jakoj adbudziecca simvaličnaja sustreča troch kirmašoŭ - Aleksandryjskaha (Biełaruś), Saročynskaha (Ukraina) i Nižaharodskaha (Rasija).-