Ekaterina.B
Štohod 27 sakavika adznačajecca Suśvietny dzień teatra. U Biełarusi da hetaj daty prymierkavana Cyrymonija ŭručeńnia štohadovaj teatralnaj premii «Kryštalnaja Paŭlinka». Mojazarplata.by daviedałasia, nakolki artysty teatra zadavolenyja svajoj pracaj i zarobkam.
Siaredni zarobak artysta teatra ŭ Biełarusi z aficyjnych i niezaležnych krynic
Pavodle źviestak Biełstata, u lutym 2014 siaredniaja zarpłata rabotnikaŭ, zaniatych dziejnaściu pa arhanizacyi adpačynku i zabaŭ, kultury i sportu skłała 4.244.693 rubla, što na 1.144.500 rubloŭ mienš za siaredni pakazčyk pa krainie. A pa aficyjnych dadzienych, naprykład, siaredniaja zarpłata teatralnych rabotnikaŭ na 10-15% vyšejšaja za prybytki ŭ achovie zdaroŭja i adukacyi, ale pry hetym bolš jak na 50% nižejšaja za zarobki ŭ budaŭnictvie abo finansavaj dziejnaści.
Pa dadzienych Kalkulatara zarobkaŭ Mojazarplata.by, akcior teatra i kino sa stažam 15 hadoŭ u siarednim zarablaje kala 3.800.000 rubloŭ. Dadzienyja raźličanyja mietadam miedyjany na padstavie 13972 ankiet respandentaŭ adpaviednaj prafiesijnaj hrupy.
Zarpłata artystaŭ teatra z raźlikovych listkoŭ
U pačatku sakavika 2014 h aktrysa Nacyjanalnaha akademičnaha dramatyčnaha teatra imia M.Horkaha Nastaśsia Špakoŭskaja apublikavała na svajoj staroncy ŭ Facebook raźlikovy list za luty 2014 hoda. Ličba ŭ im faktyčna supadaje z dadzienymi Kalkulatara zarobkaŭ Mojazarplata.by. Naličanaja zarpłata artysta vyšejšaj kvalifikacyjnaj katehoryi skłała 3.736.667 rubloŭ, a pry vydačy na ruki — 3.411.700.
Samyja vysokija zarpłaty artystaŭ, vidać, u Nacyjanalnym akademičnym Vialikim teatry opiery i baleta. U vieraśni 2013 Juryj Trajan, chareohraf i mastacki kiraŭnik trupy, ahučyŭ siaredni zarobak artystaŭ u Vialikim teatry — 5.400.000 rubloŭ.
Mienš za ŭsio zarablajuć artysty pravincyjnych teatraŭ Biełarusi. Pra heta ŭ kastryčniku 2013 raspavioŭ Alaksandr Paškievič, viadučy majstar sceny Minskaha abłasnoha dramatyčnaha teatra ŭ Maładziečnie:
«Teatr nikoli nie byŭ miescam, dzie možna zarabić. Zaraz, naprykład, viadučy majstar sceny ź vielizarnym stažam atrymlivaje kala 3 miljonaŭ rubloŭ u miesiac pry 7-hadzinnym pracoŭnym dni. Kali kazać pra maładych akcioraŭ, to dzielicie hetuju sumu jak minimum na dva. Na hetyja hrošy, zrazumiełaja sprava, siońnia nie pražyvieš, tamu praktyčna ŭ kožnaha jość padpracoŭka».
Nakolki artysty teatra zadavoleny svajoj pracaj i zarobkam
Pa dadzienych Kalkulatara zarobkaŭ Mojazarplata.by bolšaść akcioraŭ teatra i kino zadavolenyja svajoj pracaj, ale niezadavolenyja zarobkam.
Jak vidać z tablicy, 36% akcioraŭ teatra i kino, jakija pryniali ŭdzieł u ankietavańni, adznačyli, što jany zadavolenyja, a 23%, što vielmi zadavolenyja svajoj pracaj. Pry hetym adsotak «zadavolenych» i «vielmi zadavolenych» svaim zarobkam istotna adroźnivajecca — 9 i 5%, adpaviedna.
A ci zadavolenyja vy svaim zarobkam? Skarystajciesia Kalkulataram zarobkaŭ i daviedajciesia, nakolki vašy kalehi zadavolenyja pracaj i zarobkam. Udzielničajcie ŭ anłajn-ankietavańni i zrabicie Kalkulatar jašče bolš dakładnym i peŭnym.
