Na suśvietnaj vystavie «Ekspa-2015» pakažam nie inavacyi, a sałamianyja kačułki.
Suśvietnaja vystava raspačniecca 1 maja 2015 u Italii, pad Miłanam. Tut, na płoščy ŭ 1,7 miljona m2 razhornucca ekspazicyi roznych krain na temu «Nakarmić płanietu. Enierhija dla žyćcia».
Kab sprajektavać paviljon, Biełaruś arhanizavała nacyjanalny architekturny konkurs. Prajekt pieramožcaŭ (Ihara Kaziulkova, Dźmitryja Bielakoviča i Alaksandra Šypiłava) nazyvajecca «Koła žyćcia». Na jaho budaŭnictva, absłuhoŭvańnie i demantaž vydatkujuć 6 miljonaŭ jeŭra.
Ideja «Koła žyćcia» — u demanstracyi troch asnoŭnych bahaćciaŭ Biełarusi: chleba, soli i vady.
U centry ekspazicyi budzie 13mietrovaje draŭlanaje koła młyna, jakoje «simvalizuje ruch i čałaviečuju dumku». Pobač ź im — sałamianyja kačułki, jakija buduć simvalizavać pali z tolki što prybranym chlebam. Padčas sieminaraŭ i lekcyj naviednikam raskažuć pra «biełaruski dośvied ustojlivaha raźvićcia sielskaj haspadarki, vytvorčaści karysnych i vysakajakasnych praduktaŭ charčavańnia», heta značyć pra kałhasy i ahraharadki, a taksama… pra baraćbu ź lišniaj vahoj. Ścieny i stol placoŭki buduć dekaravanyja sollu.
Budzie kaviarnia z nacyjanalnymi stravami, suvienirnaja krama (lon, sałoma i dreva), placoŭka dla vystupu narodnych kalektyvaŭ.
Jany pakažuć tradycyjnyja śviaty (Maślenicu, Vialikdzień, Kupalle, Dažynki). Prezientacyja narodnych pieśniaŭ i tancaŭ pazicyjanujecca jak «vizitnaja kartka biełaruskaha paviljona».
