Fishki.net
Padstavaj dla zvarotu stała zaniepakojenaść baćkoŭ niekantralavanym praniknieńniem praz rasiejska-biełaruskuju miažu vialikaj kolkaści narkatyčnych i psychatropnych rečyvaŭ. Tolki za apošni čas u Biełarusi ad užyvańnia tak zvanych «spajsaŭ» zahinuła 7 maładych ludziej.
Na ahulnym baćkoŭskim schodzie ŭ himnazii № 23 adzin z baćkoŭ Jury Bieleńki inicyjavaŭ padpisańnie zvarotu da deputataŭ Pałaty pradstaŭnikoŭ Nacyjanalnaha schodu Respubliki Biełaruś.
«Apošnim časam u Biełarusi nazirajecca takaja strašnaja źjava jak hibiel i strata zdaroŭja dziaciej i padletkaŭ u vyniku ŭžyvańnia syntetyčnych narkotykaŭ. Jak viadoma, hetyja narkotyki pryvoziacca na terytoryju Respubliki Biełaruś u asnoŭnym z terytoryi Rasiejskaj Federacyi — kraina, ź jakoj Respublika Biełaruś nia maje miažy z pahraničnym i mytnym kantrolem.
Prosim vas terminova pryniać zakanadaŭčyja akty, nakiravanyja na ŭstalavańnie strohaha pamiežnaha i mytnaha kantrolu na biełaruska-rasiejskaj miažy».
Jury Bieleńki, jaki taksama źjaŭlajecca v.a. staršyni KCHP BNF, kaža, što pad zvarotam užo padpisałasia kala dvuch dziasiatkaŭ čałaviek.
Ministerstva ŭnutranych spraŭ aficyjna pryznaje, što asnoŭnaj krainaj-pastaŭščykom narkotykaŭ i psychatropaŭ u Biełaruś dla ŭnutranaha zbytu źjaŭlajecca Rasiejskaja Federacyja.
U analityčnym ahladzie za 2013 hod Upraŭleńnie pa narkakantroli i supraćdziejańni handlu ludźmi MUS Biełarusi paviedamlaje, što z terytoryi Rasiei «ŭvoziacca nia tolki «tradycyjnyja» dla dadzienaha rehijona hierain i metadon, ale taksama hašyš, amfetamin i inšyja psychatropnyja rečyvy novaha pakaleńnia, jakija raniej aktyŭna pastaŭlalisia z krain Bałtyi i Polščy.
Adnym z faktaraŭ, jaki vyklikaŭ dadzienuju tendencyju, źjaŭlajecca ŭvachodžańnie Respubliki Biełaruś u Mytny źviaz».
U toj ža čas, adznačaje ahlad, praź Biełaruś u krainy Mytnaha źviazu traplaje amfetamin, marychuana i hašyš.
