Prajšli kvalifikacyjnyja spabornictvy ŭ łyžnych akrabataŭ (frystajlistaŭ) na Alimpijadzie ŭ Sočy. Try biełarusy zmahli adabracca ŭ finalnyja spabornictvy, choć i patrapali zaŭziataram niervy.
Sprava ŭ tym, što nichto ź biełarusaŭ nie prabiŭsia ŭ finał ź pieršaj sproby. Pryčym Daščynski i Kušnir akazalisia na samaj miažy pieršaj šaściorki. U druhoj sprobie cana pamyłki značna ŭzrastała.
U vyniki Dźmitryj Daščynski i Anton Kušnir vydatna spravilisia z chvalavańniem. A voś alimpijskamu čempijonu Vankuviera Alaksieju Hryšynu nie pašancavała, jon dvojčy pryziamlaŭsia na śpinu.
Asabliva pryjemnaje źjaŭleńnie ŭ finale maładoha Dzianisa Osipava. Jahony skačok choć i nie byŭ nadta składany, ale vykanany dobra. Osipaŭ taksama budzie ŭ finale.
A voś były biełarus, jaki pryniaŭ hramadzianstva Rasii, Cimoch Śliviec u finał nie prajšoŭ. Jon trynaccaty.
Finalnyja spabornictvy pačnucca a 20:30.
