Śledam za polskimi pamiežnikami, jakija apublikavali malaŭničyja fotazdymki raznastajnych pradstaŭnikoŭ faŭny, źniatych pry dapamozie sistem nazirańnia na linii miažy, videa z žyviołami i nielehalnymi mihrantami, źniataje anałahičnym abstalavańnie na ŭčastku miažy ź Litvoj, vykłali ŭ internecie ich biełaruskija kalehi.
Na adnym videaroliku ryś. Jaje zafiksavali niepadalok ad punkta propusku «Łoša». Žyvioła padychodzić da pahraničnaha barjera, ahladajecca, ale nie pierasiakaje jaho.
Na inšym videaroliku troje hruzinskich nielehałaŭ u maskirovačnych chałatach, jakija padbirajucca na karačkach da zaharody taksama blizu «Łošy». Jany byli zatrymanyja 25 studzienia.
Nahadajem, spačatku ŭsie troje mužčyn pryjechali ŭ Brest i pasprabavali vyjechać u Polšču ŭ aficyjnym paradku. Adnak polskija pamiežniki siem razoŭ admovili im va ŭjeździe ŭ krainu. Zatym nieviadomy brestaŭčanin paraiŭ hramadzianam Hruzii pasprabavać ščaścia na biełaruska-litoŭskim učastku miažy. Usie zatrymanyja byli aformleny parušalnikami miažy.
