Naviedvalniki kursaŭ «Mova ci kava» za vynikovymi testami. U novym siezonie kursy viernucca, ale ŭžo pad novaj nazvaj i z novym arhanizataram.
Siońnia, 16 śniežnia, u minskaj halerei «Ŭ» adbyŭsia apošni ŭ 2013 hodzie zaniatak biaspłatnych moŭnych kursaŭ «Mova ci kava».
Kala sotni stałych naviedvalnikaŭ pravieryli svaje viedy z dapamohaj viasiołaha testa, padrychtavanaha vykładčykami Alesiaj Litvinoŭskaj i Hlebam Łabadzienkam.
Arhanizatar kursaŭ žurnalistka Kaciaryna Kibalčyč padviała vyniki hoda pracy. Taksama Kibalčyč paviedamiła, što z novaha hoda nie budzie zajmacca arhanizacyj minskich kursaŭ — hety abaviazak całkam uziaŭ na siabie Hleb Łabadzienka.
Łabadzienka zapeŭniŭ, što ź lubimymi mnohimi kursami ničoha nie zdarycca i jany buduć prachodzić pavodle taho samaha hrafika, što i raniej: u paniadziełak a 7-j viečara ŭ pamiaškańni halerei «Ŭ». Nastupny zaniatak adbudziecca pierad Starym Novym Hodam, 13 studzienia.
Adzinaje, što źmienicca — heta nazva. Kursy bolš nie buduć nasić zvykłaje imia, a novuju nazvu ŭdzielnikam było prapanavany vybrać samim naŭprost padčas nastupnaha zaniatka.
Pieršy zaniatak «Mova ci kava» adbyŭsia ŭ Minsku 19 lutaha 2013 hoda.Biaspłatnyja kursy biełaruskaj movy — inicyjatyva biełaruskaj žurnalistki Kaciaryny Kibalčyč, jakaja ciapier žyvie ŭ Maskvie. Kibalčyč spačatku arhanizavała kursy «Mova ci kava» ŭ Maskvie, a potym vykarystała atrymany dośvied, kab raspačać navučańnie biełaruskaj movie ŭ Minsku.
