Prysutnaść u Kijevie na jeŭrapratestach biełarusaŭ śviedčyć, što i našu krainu čakaje jeŭrapiejskaja budučynia.
Pra heta ŭ razmovie ź Jeŭraradyjo raspavioŭ viadomy ŭkrainski palitołah i žurnalist Vital Portnikaŭ:
«U siońniašniuju noč razhonu Majdana, kali ŭdzielniki jeŭrapratestu vytrymali, biełaruskich ściahaŭ nacyjanalnych było amal stolki ž, kolki ŭkrainskich na Majdanie Niezaležnaści. Tamu heta pieramoha nie tolki našych jeŭrapratestoŭcaŭ — heta pieramoha tych ludziej, jakija nie chočuć, kab u ich krainach isnavali aŭtarytarnyja režymy».
I hetyja bieł-čyrvona-biełyja ściahi na Majdanie źjaŭlajucca paćvierdžańniem jeŭrapiejskaj budučyni nie tolki Ukrainy, ale i Biełarusi, upeŭnieny Portnikaŭ.
Nahadajem, akcyi pratestu va Ŭkrainie raspačalisia 21 listapada, kali ŭkrainski ŭrad adkłaŭ padpisańnie damovy ab asacyjacyi ź ES. Siłaviki razahnali Majdan u noč na 30 listapada, jašče adna sproba likvidavać centr supraciŭleńnia była zroblenaja ŭ noč na 11 śniežnia, ale pratestoŭcy adstajali Majdan Niezaležnaści i budynki, jakija jany kantralujuć. U akcyjach u Kijevie ad samaha pačatku ŭdzielničajuć biełarusy pad nacyjanalnymi biełaruskimi ściahami.
