Na novaj emblemie futbolnaha kłuba «Maładziečna», jakuju stvarajuć zaŭziatary na biełaruskaj movie, budzie ŭkazany hod zasnavańnia kłuba − 1949.
Pytańni nakont novaj emblemy my zadali čałavieku, jaki pracuje nad jaje źmianieńniem, udzielniku ultras-hrupy Arciomu.
− Ci praŭda toje, što novaja emblema kłuba budzie na biełaruskaj movie?
− Fanacki siektar vyrašyŭ tak. Emblema pavinna być na biełaruskaj movie.
− Viadoma, što ŭ dyrektara kłuba na hety kont inšaje mierkavańnie.
− My pavažajem i jaho vybar taksama. Miarkujem, što napiaredadni siezona my ŭsio ž taki praviadziom hałasavańnie, na jakoj movie pavinna być emblema. Chočacca, kab na hetuju temu vykazalisia tyja, kamu nasamreč nieabyjakavy los maładziečanskaha futboła. I kab mierkavańni hetyja byli padmacavanyja niejkimi arhumientami.
− Dzie i kali źjavicca hałasavańnie?
− Davajcie spačatku dačakajemsia, što budzie z kłubam. Jak i ŭ minuły hod, mižsiezońnie projdzie ŭ chvalavańniach: ci budzie ž isnavać kamanda?
− Emblema źmienicca kardynalna?
− Nie. Nichto ŭ hetym niezacikaŭleny. Emblema maładziečancaŭ maje svaju historyju, jana dobra viadomaja ŭsim amataram futboła, tamu źmianiać jaje kardynalna niama sensu. Adzinaje, što źmienicca: koleravaje rašeńnie budzie bolš jaskravym i zamiest litar «MP» na emblemie źjavicca hod zasnavańnia kamandy − 1949.
