Zamožny naviedvalnik načnoha kłuba ŭ Minsku staŭ achviaraj svajoj znajomaj pa sacyjalnych sietkach.
Małady čałaviek adpačyvaŭ sa svajoj dziaŭčynaj u adnym ź minskich načnych kłubaŭ. U ich kampanii byli i dźvie siabroŭki, ź jakimi paračka paznajomiłasia ŭ sacyjalnych sietkach i pra jakich akramia ich psieŭdanimaŭ (tak zvanych nikaŭ) mała što viedała.
Bližej da ranicy ad vypitaha śpirtnoha chłopcu stała drenna, i jon vyjšaŭ na vulicu. Na hanku małady čałaviek źnieprytomnieŭ i pavaliŭsia. Jaho dziaŭčyna ŭ panicy sprabavała złavić taksi, kab advieźci spadarožnika damoŭ. U hety ž čas nieabyjakavyja naviedvalniki kłuba vyklikali chutkuju, a znajomyja pa sacsietkach taksama vyrašyli akazać dapamohu i spahadliva prysieli kala maładoha čałavieka.
Bryhada chutkaj dapamohi pryviała chłopca ŭ prytomnaść, a praź niekatory čas jon vyjaviŭ prapažu hadzińnika marki Storm, darahoha telefona i hrošaj. Ahulnaja suma ŭronu skłała bolš jak 19 młn. rubloŭ.
Padčas praviedzienych apieratyŭna-vyšukovych mierapryjemstvaŭ było ŭstanoŭlena, što zładziejkaj akazałasia 19-hadovaja znajomaja maładoha čałavieka pa sacyjalnych sietkach. Pakul jon znachodziŭsia ŭ stanie nieprytomnaści, jana skrała jaho rečy i hrošy.
