Va Uźbiekistanie padčas adpraŭki hramadzian na zbor bavoŭny byŭ źbity chakim (kiraŭnik administracyi) horada Čyrčyk Furkat Chajrułajeŭ.
Na čynoŭnika napaŭ supracoŭnik abjadnańnia «Tašviłtransterminał» Šuchrat Nazaraŭ, adkazny za zabieśpiačeńnie zborščykaŭ bavoŭny transpartam. Padstavaj dla hetaha stali abrazy z boku Chajrułajeva, z dapamohaj jakich toj «pryśpiešvaŭ ludziej».
«Chakim, jak byvaje va Uźbiekistanie, staŭ łajać transpartnikaŭ. Nazaraŭ, nie vytrymaŭšy abrazaŭ, nahnuŭ hałavu, jak Ziniedzin Zidan, i ŭdaryŭ chakima», — paviedamiŭ adzin ź vidavočcaŭ.
U vyniku ŭ Chajrułajeva złamany nos. Čynoŭnik źviarnuŭsia ŭ milicyju, paśla čaho Nazarava aryštavali. Adnak jamu ŭdałosia paźbiehnuć pakarańnia, zadziejničaŭšy suviazi ŭ pravaachoŭnych orhanach.
Va Uźbiekistanie, pavodle miascovych ŚMI, chamstva z boku čynoŭnikaŭ — davoli raspaŭsiudžanaja źjava.
