Na fota: Siarhiej Ciacieryn —
Alaksandr Łukašenka daručyŭ vybudavać efiektyŭnuju sistemu adboru i padrychtoŭki talenavitych spartsmienaŭ u roznych vidach sportu. Ab hetym jon zajaviŭ siońnia, naviedvajučy ŭ Minsku Haradski centr alimpijskaha reziervu pa tenisie.
Toje, jak treba arhanizavać adbor pierśpiektyŭnych spartsmienaŭ, Łukašenka raspavioŭ na prykładzie tenisa. «Samaje hałoŭnaje — heta sistema. Nam treba vybrać paŭsotni pierśpiektyŭnych tałkovych rabiat z tych, chto jość, i kab potym chacia b
Pry hetym jon adznačyŭ, što ŭ hety praces pavinny być uciahnuty ŭsie pracujučyja ŭ Biełarusi tenisnyja centry, nie tolki dziaržaŭnyja, ale i pryvatnyja.
Apošnim Łukašenka paabiacaŭ padtrymku, kali jany buduć zajmacca padrychtoŭkaj pierśpiektyŭnych spartsmienaŭ, u tym liku na biaspłatnaj asnovie, niesučy peŭnuju sacyjalnuju nahruzku. «Viadoma, padtrymajem, kali čałaviek choča pracavać, ŭkładvaje svaje hrošy. Za hetym sprava nie stanie, my im taksama padstavim plačo, — skazaŭ jon. — U nas u hetym płanie niama pryvatnych, dziaržaŭnych, usie pavinny pracavać na vynik».
Alaksandr Łukašenka taksama asabliva padkreśliŭ, što praces adboru pavinien być vyklučna sumlennym i hruntavacca mienavita na spartyŭnym patencyjale junych spartsmienaŭ. A tym pierśpiektyŭnym dzieciam, čyje baćki nie mohuć apłačvać prafiesijnyja zaniatki sportam, pavinna być akazana nieabchodnaja padtrymka. Jon adznačyŭ, što i sam hatovy pry nieabchodnaści ŭ hetym udzielničać.
Jon, u pryvatnaści, prapanavaŭ vykarystać dla trenirovačnaha pracesu korty, raźmieščanyja na terytoryi jaho rezidencyi ŭ Drazdach.
«Ja hatovy padklučycca, kali treba. Vaźmicie samych lepšych, niachaj tam trenirujucca, asabliva zimoj. U nas u krainie dastatkova infrastruktury, kab rychtavacca», — skazaŭ jon.
Alaksandr Łukašenka źviarnuŭ uvahu, što prafiesijny ŭzrovień tenisa ŭ śviecie značna ŭzros, asabliva siarod lidaraŭ u mužčynskim tenisie.
«Ź imi hulać vielmi składana, ale kali my vyhadujem paru takich chłopčykaŭ i dziaŭčynak, jakija buduć ź imi hulać, — heta ŭžo dasiahnieńnie. A ŭ žanočym tenisie my spakojna možam mieć
Pavodle jaho słoŭ, adpaviedny pryncyp nieabchodna raspaŭsiudzić i na inšyja vidy sportu: «Usiudy treba z usioj masy vybirać lepšych». «Usio jość dla taho, kab pracavać. Adrazu skažu, što šalonych hrošaj my vam nie damo, ale za vynik zapłacim», — skazaŭ jon.
Łukašenka taksama padkreśliŭ, što kali dziaržava ŭkładvaje ŭ padrychtoŭku srodki, to peŭnyja abaviazacielstvy pavinny źviazvać i spartsmieny.
«Kamu nieabchodna, tamu treba dapamahčy. Hałoŭnaje, kab my mieli ź imi kantrakty, jak na Zachadzie, kab jany pamiatali, dzie rabili pieršyja kroki», — adznačyŭ Łukašenka.
