Adpaviednyja dakumienty byli padpisanyja ŭ sieradu ŭ Biškieku ŭ ramkach turne pa krainach Centralnaj Azii staršyni KNR Si Czińpina.
Kyrhyzstan — adna z samych biednych krain u SND — bahaty na vodnyja resursy, zołata, redkaziamielnyja mietały, vuhal i zapasy žaleza, miažuje z Kitajem i złučany ź im hornaj aŭtadarohaj z vychadam na Tadžykistan, Kazachstan, Uźbiekistan i Tadžykistan i dalej u Rasiju. Za panavańnie ŭ hetaj hornaj centralnaazijackaj krainie z nasielnictvam 5,5 młn čałaviek kankurujuć Rasija i ZŠA, jakija majuć pad Biškiekam pa vajskovaj avijabazie, a taksama Kitaj.
U ramkach padpisanych u sieradu pahadnieńniaŭ Kitaj całkam prafinansuje budaŭnictva
Na alternatyŭnuju darohu, jakaja złučaje poŭnač i poŭdzień Kyrhyzstana, Kitaj vydzieliŭ kredyt u $400 miljonaŭ, na rekanstrukcyju Biškiekskaj CEC praduhledžany kredyt u $386 młn.
Pry hetym abjom kitajskich niepasrednych inviestycyj składzie kala $1 miljarda, skazaŭ ministr ekanomiki Kyrhyzstana Temir Saryjeŭ paśla pieramovaŭ.
Ministr dadaŭ, što ŭ pierśpiektyvie Kitaj «abaviazkova voźmie ŭdzieł» u rekanstrukcyi staličnaha aeraporta Manas, u pierafarmatavańni ŭ mahutny hramadzianski chab toj častki, dzie ciapier raźmieščanaja avijabaza ZŠA, jakaja pavinnaja być vyviedzienaja z Kyrhyzstana ŭ lipieni 2014 hoda.
Pavodle jaho słovaŭ, «Si Czińpin užo daŭ svaim strukturam daručeńnie prapracavać hetaje pytańnie».
Akramia taho, Kitaj vystupiŭ ź inicyjatyvaj stvareńnia svabodnaj ekanamičnaj zony ŭ ramkach prastory Vialikaha šaŭkovaha šlachu.
«Ekanamičnaja pałasa staražytnaha Vialikaha šaŭkovaha šlachu abaviazkova budzie stvoranaja», — skazaŭ Si žurnalistam i členam delehacyj Kitaja i Kyrhyzstana paśla padpisańnia dakumientaŭ.
Pavodle słovaŭ Saryjeva, «heta budzie novaja handlovaja pałasa» ź ilhotnym pieramiaščeńniem aŭtamabilaŭ.