Fota Rehijanalnaj haziety
U Maładziečnie viadziecca evakuacyja vučniaŭ, vykładčykaŭ i piersanału šerahu škoł [kraj.bn piša pra 6 škoł] u suviazi z paviedamleńniami ab zaminiravańni. Jak paviedamiŭ načalnik upraŭleńnia infarmacyi i suviaziaŭ z hramadskaściu MUS Biełarusi Kanstancin Šalkievič, u horad vyjechali
sapiorna-piratechničnyja hrupy.
U jaki čas pastupili paviedamleńni ab miniravańni i ab jakoj kolkaści škoł idzie havorka, jon kazać nie staŭ.
«Nijakich padrabiaznaściaŭ. Pakul nie ličym nieabchodnym usio heta ahučvać i nahniatać lišniuju paniku», — zajaviŭ Šalkievič.
U svaju čarhu načalnik adździaleńnia infarmacyi i hramadskich suviaziej UUS
Minskaha abłvykankama Alaksandr Danilčanka paviedamiŭ:
infarmacyja ab tym, što šerah škoł u Maładziečna zaminavanyja, pastupiła siońnia ŭ adras kiraŭnikoŭ hetych navučalnych ustanoŭ.U Maładziečnie nakiravany śpiecyjalisty — ŭzryvachatechniki śpiecpadraździaleńnia pa baraćbie z teraryzmam MUS «Ałmaz» i ŭnutranych vojskaŭ.
«Milicyja i miascovyja orhany ŭłady prymajuć miery pa harantavańni biaśpieki», — skazaŭ Danilčanka. Pry hetym jon padkreśliŭ, što nijakaj paniki ŭ horadzie niama.