Supracoŭniki achovy homielskaha hipiermarkieta «Jeŭraopt», jakija ŭdzielničali ŭ skandalnaj bojcy, zvolnienyja, paviedamili ŭ kampanii «Jeŭrahandal», što kiruje cietkaj kramaŭ «Jeŭraopt», piša tut.by.
U kampanii rastłumačyli, što pa fakcie incydentu, jaki adbyŭsia ŭ subotu, 10 žniŭnia, u 4.45 u hipiermarkiecie, raźmieščanym u Homieli pa vulicy Chatajeviča, 9, zavieršana ŭnutranaje rasśledavańnie. U vyniku prahladu zapisaŭ kamier videanazirańnia, a taksama apytańnia śviedak incydentu było ŭstanoŭlena, što «dvoje pakupnikoŭ — maładyja mužčyna i žančyna, budučy ŭ stanie ałkaholnaha apjanieńnia, niecenzurna łajalisia i hruba abražali jak supracoŭnikaŭ kramy, tak i inšych pakupnikoŭ Na zaŭvahi supracoŭnikaŭ achovy dadzienyja pakupniki reahavali ahresiŭna, a ŭ adkaz na prośbu pradjavić ček na vychadzie z kasavaj zony žančyna šturchnuła i sprabavała ŭdaryć adnaho z supracoŭnikaŭ achovy. Čym i spravakavała ŭžyvańnie siły».
Tym nie mienš, u kampanii «Jeŭrahandal» ličać «niedapuščalnymi dziejańni supracoŭnikaŭ achovy, jakija parušyli słužbovuju instrukcyju i normy prafiesijnaj etyki, pryniatyja ŭ kampanii». U suviazi z hetym supracoŭniki achovy, jakija ŭdzielničali ŭ dadzienym incydencie, zvolnienyja.
