10 i 11 žniŭnia ŭ kanadskim horadzie Midłand archidyjacezii Taronta prajšli ŭračystaści, pryśviečanyja pamiaci kanadskich mučanikaŭ XVII st. Sanktuaryj znachodzicca ŭ150-ci kiłamietrach ad Taronta. Va ŭračystaściach prymaŭ udzieł mitrapalitMinska-Mahiloŭski arcybiskup Tadevuš Kandrusievič.
Pieššu, aŭtobusami, na aŭtamabilach — sotni pilihrymaŭ štohod prybyvajuć u Midłand, kab ušanavać pamiać šaści jezuitaŭ, jakija čatyry stahodździ tamu pieršymi prynieśli na hetyja ziemli Jevanhielle. Prapaviedujučy vieru ŭ Chrysta, šeść jezuitaŭ — čatyry śviatary i dva braty, achviaravali za vieru svaim žyćciom.
Sioleta z Taronta ŭ Midłand piešaja pilihrymka vyrušyła 5 žniŭnia. Hrupa naličvała kala
Arcybiskup Tadevuš Kandrusievič prajšoŭ z kanadskimi pilihrymami apošni etap pilihrymki, zaviaršyŭšy jaje śviatoj Imšoj na ałtary, dzie ŭ 1984 h. eŭcharystyju celebravaŭ bł. Papa Jan Pavieł II.
U nabaženstvie pryniała ŭdzieł vialikaja kolkaść viernivaŭ, mnohija ź jakich pryjazdžali ŭ Midłand cełymi siemjami — tolki śviatoj Kamunii padčas Imšy było razdadziena dzieviać z pałovaj tysiač čałaviek.11 žniŭnia ŭ sanktuaryi ŭ honar Uniebaŭziaćcia Najśviaciejšaj Panny Maryi adbyłasia śviataja Imša, jakuju ŭznačaliŭ Tadevuš Kandrusievič.
Arcybiskup padkreśliŭ, što ŭ naš čas chryścijanstva źjaŭlajecca najbolš pieraśledujemaj relihijaj i što chryścijanie hinuć siońnia ŭ mnohich krainach. «Ale isnuje jašče i inšy pieraśled, — zaznačyŭ Kandrusievič, — kali relihiju starajucca śpichnuć na pieryfieryju žyćcia sučasnaha hramadstva, kali bolšaściu hałasoŭ u parłamientach prymajuć nie zhodnyja z Božym pravam zakony i navat zabaraniajuć chryścijanskija simvały».