U Biełarusi ŭzmocniena adkaznaść kiraŭnikoŭ dziaržaŭnych pradpryjemstvaŭ za nievykanańnie płanaŭ madernizacyi. Heta praduhledžana pastanovaj Savieta ministraŭ ad 18 lipienia 2013 hoda № 637.
Jak paviedamlaje pres-słužba ŭrada, dakumient pryniaty "dla ŭzmacnieńnia adkaznaści kiraŭnikoŭ arhanizacyj za zabieśpiačeńnie raźvićcia halin i vytvorčaściaŭ, ustojlivaha rostu nacyjanalnaj ekanomiki".
Akramia taho, u kantrakty, jakija zaklučajucca z kiraŭnikami arhanizacyj, buduć uniesieny punkty, što praduhledžvajuć abaviazak kiraŭnika zabiaśpiečvać vykanańnie mierapryjemstvaŭ, vyznačanych u prahramie (płanie) kompleksnaj madernizacyi arhanizacyi, i adkaznaść za ich nievykanańnie.Zhodna z pastanovaj, nievykanańnie kiraŭnikom ci zryŭ terminaŭ vykanańnia mierapryjemstvaŭ, vyznačanych u prahramie (płanie) kompleksnaj madernizacyi pradpryjemstva, na realizacyju jakich vydzieleny biudžetnyja srodki, budzie kvalifikavacca jak "hrubaje parušeńnie pracoŭnych abaviazkaŭ".
Dziaržaŭnym orhanam i arhanizacyjam daručana ŭ dvuchmiesiačny termin pryvieści kantrakty, zaklučanyja z kiraŭnikami arhanizacyj, u adpaviednaść z pastanovaj. Kiraŭnikam respublikanskich orhanaŭ dziaržaŭnaha kiravańnia, inšych dziaržaŭnych arhanizacyj, padparadkavanych uradu, abłvykankamaŭ i Minskaha harvykankama daručana zabiaśpiečyć kantrol za vykanańniem uzhodnienych imi prahram (płanaŭ) kompleksnaj madernizacyi arhanizacyj.