Prezident Vieniesueły Nikałas Madura ažaniŭsia. Pra heta sam prezident raspavioŭ na naradzie z hubiernatarami, jakaja prajšła ŭ prezidenckim pałacy. Pa słovach Madury, cyrymonija šlubu adbyłasia napiaredadni, 15 lipienia, u prysutnaści svajakoŭ.
Žonkaj Madura stała Silija Fłores, ź jakoj jon užo šmat hadoŭ žyŭ u hramadzianskim šlubie. Paśla pieramohi Madura na prezidenckich vybarach Fłores stała pieršaj łedzi Vieniesueły. «Choć dušoj my i ŭsio roŭna byli razam, my vyrašyli takim čynam pakazać prykład umacavańnia siamiejnych poviaziaŭ», - patłumačyŭ Madura.
Paśla taho, jak u 2006 hodzie Madura pakinuŭ pasadu śpikiera parłamienta, hetuju pasadu zaniała Fłores i zastavałasia na joj da 2011 hoda. Paśla hetaha jana zaniała pasadu hienieralnaha prakurora krainy.Silija Fłores i Nikałas Madura ŭvachodzili ŭ skład kiraŭnictva «Ruchu Piataj respubliki», jaki ŭ 1998 hodzie pryvioŭ da ŭłady papiarednika Madura Uha Čavesa.
0
0
0
0
0
0
