Inflacyja z pačatku hoda skłała 7%

Indeks spažyvieckich cen na tavary i pasłuhi(inflacyja) u červieni 2013 hoda ŭ paraŭnańni z majem 2013 hoda uzros na 0,3%, sa śniežniem 2012 hoda — na 7%. Pra heta BiełaPAN paviedamili ŭ pres-słužbie Nacyjanalnaha statystyčnaha kamiteta.

Ceny na charčovyja tavary ŭ červieni ŭ paraŭnańni z majem uzraśli na 0,3%. Bolš za ŭsio padaraželi bulba (na 38,2%) i sadavina (na 1,2%). Razam z tym na 0,1% źnizilisia ceny na alej, na 0,2% — na rybu i morapradukty, na 4,5% — na jajki, na 7,8% — na aharodninu, na 0,4% — na ałkaholnyja napoi. Nie źmianilisia ceny na cukar.

Pa danych Biełstata, indeks cen na niecharčovyja tavary ŭ červieni 2013 hoda ŭ paraŭnańni z majem uzros na 0,2%, sa śniežniem 2012 hoda — na 2,4%. Bolš za ŭsio ŭ červieni padaraželi sintetyčnyja myjnyja srodki, viełasipiedy i matacykły — na 0,7%, parfiumierna-kaśmietyčnyja tavary — na 0,6%, miedykamienty i budmateryjały — na 0,5%. Na 0,1% źnizilisia ceny na adzieńnie.

Indeks cen na płatnyja pasłuhi ŭ červieni ŭ paraŭnańni z majem uzros na 0,6%, sa śniežniem — na 14,8%. Bolš za ŭsio ŭ červieni padaraželi bytavyja pasłuhi — na 1,3%, pasłuhi pasažyrskaha transpartu — na 1,4%, daškolnych ustanoŭ — na 9,4%, kinateatraŭ — na 1,3%, sanatorna-azdaraŭlenčych ustanoŭ — na 3,3%.

Nahadajem, zhodna z prahnozam, inflacyja ŭ 2013 hodzie pavinna skłaści nie bolš za 12%.

0

0

0

0

0

0

Maryna Nosava, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH