U lipieni ŭ Biełarusi čakajecca ciopłaje, časam śpiakotnaje nadvorje. Pra heta paviedamiŭ načalnik słužby hidramietearałahičnych prahnozaŭ Respublikanskaha hidramieteacentra Dźmitryj Rabaŭ.
Pavodle słoŭ śpiecyjalista, siaredniamiesiačnaja tempieratura pavietra čakajecca na adzin hradus vyšejšaj za klimatyčnuju normu — 18–19°S, miescami — na dva hradusy vyšejšaj za normu. Vypadzieńnie apadkaŭ prahnazujecca ŭ miežach siarednich šmathadovych značeńniaŭ (norma 74–97 mm).
U sieradu, u Dzień Niezaležnaści, u Minsku čakajecca pieramiennaja vobłačnaść, u druhoj pałovie dnia jość vierahodnaść, što miescami pa horadzie projduć karotkačasovyja daždžy. Tempieratura nočču plus 11–13°S, dniom plus 23–25°S.
Na hetym tydni Biełaruś čakaje niaŭstojlivaje, vilhotnaje nadvorje, na jakoje budzie ŭpłyvać vilhotnaje pavietra, prahnazujucca daždžy z navalnicami. U aŭtorak na bolšaj častcy terytoryi budzie biez apadkaŭ, tolki pa ŭschodzie Mahiloŭskaj vobłaści, miescami pa Homielskaj i Bresckaj abłaściach mohuć prajści karotkačasovyja daždžy, mahčymyja navalnicy. Ranicaj vierahodny słaby tuman. Tempieratura pavietra nočču plus 7–14°S, dniom plus 20–25°S.
U sieradu taksama miescami čakajucca karotkačasovyja daždžy i navalnicy. Tempieratura nočču plus 9–16°S, dniom plus 20–27°S, pa paŭdniovym zachadzie — da 29°S.
«U druhoj pałovie tydnia na terytoryju Biełarusi pačnie pastupać bolš ciopłaje pavietra, ale
U čaćvier tempieratura nočču plus 16–18°S, dniom plus 22–28°S, pa paŭdniovym uschodzie krainy da plus 29°S, miescami karotkačasovyja daždžy, navalnicy.
U piatnicu časam karotkačasovyja daždžy, navalnicy. Tempieratura nočču plus 12–19°S, dniom plus 22–29°S, pa ŭschodzie — da plus 30°S.
U subotu tempieratura nočču składzie plus 12–20°S, dniom plus 22–29°S, pa ŭschodzie — da plus 30–32°S. Dniom miescami mahčymyja karotkačasovyja daždžy z navalnicami.
Tempieratura vady ŭ vadajomach składaje 17–22°S.
