«Dziakujučy namahańniam hramadzianskaj supolnaści, pravaachoŭnych orhanaŭ narkasituacyja ŭ Biełarusi kantralujecca, stanovišča stabilizujecca», — zajaviŭ napres-kanfierencyi 25 červienia načalnik upraŭleńnia pa narkakantroli i supraćdziejańni handlu ludźmi MUS Mikałaj Karpiankoŭ.
Pry hetym jon kanstatavaŭ, što «narkasituacyja ŭ śviecie maje stabilna paharšajučy viektar».
Što da Biełarusi, to, pavodle słoŭ Karpiankova, na siońniašniuju datu ŭ 2012 hodzie na ŭlik było pastaŭlena prykładna 900 narkazaležnych, u
Supraćdziejańnie narkatyzacyi krainy, jak ličyć śpiecyjalist, pavinna vieścisia pa čatyroch kirunkach: zabieśpiačeńnie niedastupnaści narkatyčnych srodkaŭ; rańniaja dyjahnostyka; pavyšeńnie ŭzroŭniu reabilitacyi; navuka i zakanadaŭstva.
Namahańni MUS, pavodle słoŭ Karpiankova, zasiarodžanyja, u pryvatnaści, na adbićci źniešniaj narkapahrazy, vyjaŭleńni vytvorcaŭ i zbytčykaŭ narkotykaŭ.
U 2012 hodzie, paviedamiŭ pradstaŭnik MUS, u krainie było zarehistravana prykładna 1.800 złačynstvaŭ, źviazanych ź niezakonnym abarotam narkotykaŭ, zatrymana 300 sistemnych zbytčykaŭ.
Kažučy pra situacyju na ŭnutranym narkarynku, Karpiankoŭ kanstatavaŭ, što ciažkija narkotyki tut «vielmi niedastupnyja». Asnoŭny narkotyk — opium. Tamu MUS i inicyjavała padrychtoŭku dekreta prezidenta ab uzmacnieńni adkaznaści niezakonnych zbytčykaŭ nasieńnia maku.
Inšaja prablema — kurylnyja sumiesi. Tolki ŭ mai hetaha hoda zatrymana 35 ich raspaŭsiudžvalnikaŭ. Hałoŭnym čynam usie jany buduć pryciahnutyja da kryminalnaj adkaznaści.
Karpiankoŭ skazaŭ, što hetaj prablemie budzie pryśviečana narodnaja kanfierencyja, jakuju zapłanavana pravieści ŭ Biełarusi ŭ vieraśni z udziełam śpiecyjalistaŭ Rasii i ZŠA.
