«Jość peŭnyja zahany ŭ zakanadaŭstvie Mytnaha sajuza i Adzinaj ekanamičnaj prastory, ale heta tłumačycca tym, što hetyja dakumienty prymalisia ŭ śpiešcy. Prosta treba było chutka ruchacca», — zajaviŭ pieršy
Pry hetym, zaznačyŭ jon, ad ustupleńnia ŭ MS i AEP «Biełaruś, biezumoŭna, vyjhrała». «Ale jość i peŭnyja vydatki. Naprykład, što tyčycca sielhastechniki: niadaŭna ŭ Rasii było pryniata pałažeńnie, jakoje krychu dyskryminuje pastaŭki sielhastechniki. Admienana, dziakuj Bohu», — skazaŭ Siamaška.
Jon nahadaŭ, što 29 maja ŭ Astanie prezidentami Biełarusi, Kazachstana i Rasii było pryniata «samaje pryncypovaje rašeńnie» — padpisańnie Miemaranduma ab stvareńni adzinaha Mytnaha sajuza i pastaŭlena zadača, da 1 studzienia 2015 hoda padrychtavać pakiet statutnych dakumientaŭ, kab «usie dapuščanyja niedapracoŭki likvidavać».
«Kab pradukt, vyrableny ŭ MS, mieŭ status nie nacyjanalnaha, a praduktu, vyrablenaha ŭ sajuzie. Tady źjaviacca zusim inšyja mahčymaści bolš ilhotnaha prasoŭvańnia praduktu na trecija rynki», — padkreśliŭ Siamaška.
