Za pieršy kvartał 2013 hoda ŭ Minsku adbyłosia ŭ try razy bolš zabojstvaŭ, čym za anałahičny pieryjad minułaha hoda (piatnaccać suprać piaci).
Jak paviedamlaje «Ježiednievnik», samym kryvavym staŭ studzień, kali było ździejśniena 6 zabojstvaŭ i adzin zamach na zabojstva. Pry hetym siarod zahinułych — čaćviora dziaciej i adzin supracoŭnik milicyi.
Pravaachoŭniki zhadanuju niehatyŭnuju tendencyju pakul nijak nie kamientujuć. Da taho ž sa zvodak staličnaj milicyi pa pieršych miesiacach 2013-ha, źmieščanych u internecie, pačała źnikać infarmacyja pra zabojstvy, adznačaje elektronnaje vydańnie.