2 červienia aktyvisty hramadskaha abjadnańnia «Alternatyva» praviali tałaku na miescy byłoj siadziby Kalinoŭskich u vioscy Jakušoŭka (Śvisłacki rajon Hrodzienskaj vobłaści).
U Jakušoŭcy zachavaŭsia padmurak byłoj tkackaj fabryki baćkoŭ Kastusia Kalinoŭskaha — lidara nacyjanalna-vyzvolnaha paŭstańnia ŭ Biełarusi i Litvie ŭ 1863–1864 hadach. Tut revalucyjanier žyŭ niekatory čas. Ciapier na miescy siadziby staić pamiatny kamień i kryž, a taksama pobač raspaścirajecca lipovaja aleja, pasadžanych bratami Kalinoŭskimi.
Na miescy siadziby i jaje navakolla aktyvisty arhanizavali pryborku travy dy śmiećcia. Zatym la pamiatnaha kryža byŭ uźniaty bieł-čyrvona-bieły ściah, prahučała malitva za Kalinoŭskich i ŭsich inšych zmaharoŭ nacyjanalnaha paŭstańnia 1863–1864 hadoŭ. Mierapryjemstva prajšło biez ekscesaŭ.
BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH