Jak paviedamili ŭ HUUS Minharvykankama, 23 maja ŭ milicyju źviarnułasia pradaviec adnaho z rybhasaŭ z zajavaj ab kradziažy hrašovaj vyručki ŭ pamiery 300 tysiač rubloŭ. Handal z aŭtamašyny adbyvaŭsia kala mahazina, raźmieščanaha pa praśpiekcie Puškina, 20.U niejki momant pradaviec adviarnułasia, kab dastać z kabiny ručnik. U hety čas da mašyny padbieh nieviadomy małady čałaviek, schapiŭ karobku z hrašami i kinuŭsia naŭcioki. Vadziciel sprabavaŭ dahnać rabaŭnika, ale marna.
U chodzie vyšukovych mierapryjemstvaŭ ustanoŭlena, što vykradalnik na praciahu hadziny badziaŭsia niepadalok ad aŭtamašyny rybhasa, pry hetym zachodziŭ u najbližejšyja mahaziny, nie robiačy pakupak. Takim čynam, jon moh čakać padychodziačy momant dla ŭčynieńnia złačynstva.
Kamiery videanazirańnia zafiksavali złamyśnika, kali jon zachodziŭ u adzin z mahazinaŭ. Vyjava raźmieščana na sajcie HUUS Minharvykankama. Supracoŭniki milicyi źviartajucca da ŭsich, chto moža dapamahčy va ŭstanaŭleńni asoby maładoha čałavieka, paviedamić pra siabie ŭ dziažurnuju častku Frunzienskaha RUUS.
0
0
0
0
0
0
