Vieteran Vialikaj Ajčynnaj vajny ŭ Rasii akazaŭsia karnikam ź Biełarusi 12

Hetaja skandalnaja historyja vybuchnuła ŭ horadzie Puškina Adzincoŭskaha rajona Maskoŭskaj vobłaści. Vyśvietliłasia, što «vieteran» vajavaŭ na baku Niamieččyny.

Rasijskaja prakuratura zrabiła zapyt u Biełaruś i atrymała ad Hienprakuratury našaj krainy kopii materyjałaŭ archiŭnaj spravy. Pavodle hetych dakumientaŭ, zhadanaja asoba ŭ 1942 hodzie vajavała ŭ składzie Čyrvonaj Armii na Kalininskim froncie. Jon byŭ aficeram suviazi štaba korpusa. U lipieni 1942-ha mužčyna trapiŭ u niamiecki pałon. Na dopycie jon raspavioŭ, dzie znachodziacca inšyja aficery, jakija trapili ŭ akružeńnie, a ŭ śniežni pastupiŭ na słužbu va «ŭschodni» vučebny połk u Babrujsku.

U žniŭni 1943-ha — vieraśni 1944 hoda były aficer Čyrvonaj Armii znachodziŭsia ŭ składzie karnaha bataljona ŭ Francyi. Tam jon trapiŭ u pałon da amierykancaŭ.

Užo ŭ śniežni 1945 hoda jon byŭ u rukach savieckich śpiecsłužbaŭ, jaho asudzili Vajskovym trybunałam Hrupy savieckich akupacyjnych vojskaŭ u Niamieččynie za zdradu Radzimie na 10 hadoŭ pazbaŭleńnia voli, pazbavili vajskovaha zvańnia «lejtenant».

Byłomu karniku było admoŭlena ŭ reabilitacyi, adnak jon zmoh u 1980 hodzie atrymać u Adzincoŭskim adździele vajennaha kamisaryjatu Maskoŭskaj vobłaści paśviedčańnie ŭdzielnika Vialikaj Ajčynnaj vajny. I bolš za 30 hadoŭ niezakonna atrymlivaŭ sacyjalnaje zabieśpiačeńnie.

Jeŭraradyjo

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH