Rasija pastavić Siryi S-300, kab sarvać apieracyju NATA 47

Rasija zajaviła, što dastavić u Siryju rakietnyja kompleksy S-300, jakija dazvolać Damasku supraćstajać zamiežnaj interviencyi. Pa słovach namieśnika ministra zamiežnych spraŭ Rasii Siarhieja Rabkova, rakiety stanuć stabilizujučym faktaram, bo adviernuć niekatoryja «haračyja hałovy» ad umiašańnia ŭ kanflikt.

Rasija taksama krytyčna pastaviłasia da rašeńnia JeC nie praciahvać embarha na pastaŭki zbroi siryjskaj apazicyi.

«Jeŭrasajuz faktyčna padlivaje aleju ŭ ahoń kanfliktu i źnižaje šancy na vynikovaje praviadzieńnie kanfierencyi pa palityčnym urehulavańni ŭ Siryi, u pośpiechu jakoha jon pavinien być zacikaŭleny», — cytuje namieśnika ministra zamiežnych spraŭ Bi-Bi-Si.

Rakietnyja kompleksy S-300 — heta vielmi efiektyŭnaja sistema supraćpavietranaj abarony. Jana zdolnaja źbivać jak samaloty, tak i rakiety, i jaje davoli ciažka niejtralizavać, choć adpaviednyja vučeńni NATA i Izrail pravodzili. S-300 jość na ŭzbrajeńni ŭ armijach Hrecyi, Kipra i Słavaččyny. Izrail treniravaŭsia ŭ padaŭleńni S-300 u miežach supracy sa svaimi sajuźnikami-hrekami.

Na ŭzbrajeńni ŭ SSSR S-300 staić z 1979 hoda. Biełaruś maje adnu bryhadu S-300V, adnu bryhadu j dva pałki S-300PS.

0

0

0

0

0

0