Premjer-ministr Biełarusi Michaił Miaśnikovič daručyŭ abłvykankamam uzmacnić kantrol za taryfami na žyllova-kamunalnyja pasłuhi.Adpaviednaje daručeńnie jon daŭ siońnia na pasiadžeńni Prezidyuma Savieta Ministraŭ, dzie razhladaŭsia chod vykanańnia respublikanskaha płana mierapryjemstvaŭ pa praviadzieńni ŭ 2013 hodzie Hoda bieražlivaści.
Kiraŭnik urada nahadaŭ, što ŭ halinu pastupajuć vialikija abjomy subsidyj. Štohod heta minimum Br6 trłn. Razam z tym materyjały Kamiteta dziaržkantrolu, padrychtavanyja ŭ metach vykanańnia daručeńnia kiraŭnika dziaržavy, śviedčać,
što ŭ niekatorych arhanizacyjach tak zvanyja płanavyja taryfy ŭ 4-5 razoŭ pieravyšajuć usie razumnyja miežy."Takim čynam, pavažanyja staršyni abłvykankamaŭ, vašy haradskija i rajonnyja vykankamy zusim nie kantralujuć razam ź finansavymi instytutami abłaściej, haradoŭ i rajonaŭ taryfnuju palityku na pasłuhi ŽKH", - zajaviŭ Michaił Miaśnikovič.
Jon daŭ daručeńnie pa vyrašeńni hetaha pytańnia. Heta tema ŭziata na kantrol urada. "Kali nie dojdziem da kožnaha rajvykankama, kali heta nie budzie adpaviednym paradkam dnia ŭ kožnym rajvykankamie, ničoha kankretna nie atrymajecca", - kanstatavaŭ premjer-ministr.
0
0
0
0
0
0