Ministr zamiežnych spraŭ Biełarusi Uładzimir Makiej 27 maja ŭziaŭ udzieł u pasiadžeńni Savieta ministraŭ zamiežnych spraŭ Arhanizacyi Damovy ab kalektyŭnaj biaśpiecy ŭ Biškieku.
Jak paviedamlaje pres-słužba MZS Biełarusi, padčas sustrečy ministry zamiežnych spraŭ šaści dziaržaŭ — členaŭ ADKB abmianialisia dumkami pa aktualnych pytańniach mižnarodnaha paradku dnia ŭ śfiery mižnarodnaj biaśpieki, abmierkavali najaŭny stan spraŭ u źniešniepalityčnaj kaardynacyi i akreślili šlachi dalejšaha ŭdaskanaleńnia ŭzajemadziejańnia pamiž sajuźnikami.
Pavodle vynikaŭ pasiadžeńnia padpisana zajava ad imia ministraŭ zamiežnych spraŭ dziaržaŭ — členaŭ ADKB pa aktualnych mižnarodnych pytańniach, uzhodnieny pieralik tematyk, pa jakich dziaržavy-členy majuć namier vystupać z adzinych pazicyj na mižnarodnaj arenie.
Makiej taksama ŭziaŭ udzieł u sumiesnym pasiadžeńni Savieta ministraŭ zamiežnych spraŭ, Savieta ministraŭ abarony i Kamiteta sakrataroŭ savietaŭ biaśpieki ADKB, na jakim udzielniki abmierkavali stan sistemy kalektyŭnaj biaśpieki ŭ śviatle realna isnych vyklikaŭ i pahroz i miery jaje ŭdaskanaleńnia. Pavodle vynikaŭ sumiesnaha pasiadžeńnia padpisany šerah dakumientaŭ, što rehłamientujuć padrychtoŭku i praviadzieńnie apieracyj pa padtrymańni miru Kalektyŭnymi miratvorčymi siłami ADKB.
Padčas pasiadžeńnia byŭ praviedzieny šerah dvuchbakovych sustreč.
