Ahient forvarda dortmundskaj «Barusii» Robierta Levandoŭskaha — Cezary Kucharski — zajaviŭ, što futbalist hetym letam piarojdzie ŭ «Bavaryju». Nahadajem, što ŭ finale Lihi čempijonaŭ 25 maja ŭ subotu «Bavaryja» pieramahła «Barusiju» na «Uembli» ź likam 2:1.
«Niama sensu utojvać, što Robiert nie budzie hulcom «Bavaryi». Praŭda, nielha skazać kali, ni pra pamier tranśfieru. Padrabiaznaści buduć paviedamlenyja na praciahu 1–3 tydniaŭ — skazaŭ Kucharski na TVN24.
Pierachod polskaha forvarda budaražyć rozumy zaŭziataraŭ niekalki miesiacaŭ.Raniej zhadvalisia inšyja jeŭrapiejskija kłuby, jakija byli zacikaŭleny ŭ palaku, u tym liku «Mančester Junajted» i «Juvientus».
U paniadziełak, skazaŭ Kucharski, jon čakaje sihnału ad Dortmunda i Miunchiena. Raniej stała viadoma, što za bavarski kłub budzie hulać inšy pradstaŭnik «Barusii» Maryjo Hiotce.
Levandoŭski źviazany z «Barusijaj» kantraktam da 30 červienia 2014 hoda.
U Dortmundzie jon hulaŭ ź lipienia 2010 hoda.U hety čas u bundeślizie jon zhulaŭ 98 matčaŭ i zabiŭ 54 hały, taksama 11 hałoŭ u Lizie čempijonaŭ, u tym liku 10 u apošnim siezonie, i vosiem u Kubku Hiermanii i adzin u Lizie Jeŭropy.
0
0
0
0
0
0
